Ministri i Brendshëm i Ukrainës mes 16 të vdekurve në rrëzimin e helikopterit

Ministri i Brendshëm i Ukrainës ishte mes 16 personave të vrarë të mërkurën, kur një helikopter u rrëzua pranë një çerdheje jashtë kryeqytetit Kiev

Trupat e pajetë shtrihen në tokë në vendin ku një helikopter bie mbi ndërtesat e infrastrukturës civile, mes sulmit të Rusisë në Ukrainë, në qytetin Brovary, jashtë Kievit, Ukrainë, 18 janar 2023 Foto Reuters

Është konfirmuar se 16 persona, duke përfshirë ministrin e Brendshëm të Ukrainës, Denis Monastyrsky, dhe zyrtarë të tjerë të lartë kanë mbetur të vdekur të mërkurën, kur një helikopter u rrëzua jashtë Kievit në qytetin e Brovary.

Më herët, zyrtarët kishin dhënë një numër fillestar të vdekjeve prej 18, por është rishikuar më vonë nga autoritetet, raporton The Guardian.

Këtë e ka bërë të ditur policia ukrainase pa specifikuar shkakun e rrëzimit, ndërsa shefi i Policisë Kombëtare, Ihor Klymenko, ka thënë se nëntë nga të vdekurit ishin në bordin e avionit, i cili u rrëzua pranë një kopshti fëmijësh dhe një ndërtese banimi në periferinë lindore të qytetit Brovary.

Vendi ku u rrëzua një helikopter në Brovary, jashtë Kievit, Ukrainë, foto Reuters.

Po ashtu, ai ka bërë të ditur se tre nga të vdekurit ishin fëmijë, ndërkaq 22 persona të tjerë janë në spital, duke përfshirë 10 fëmijë.

Pas përplasjes, një zjarr kishte shpërthyer pranë kopshtit. Mbetjet nga helikopteri ishin të dukshme jashtë një ndërtese të djegur.

Ishte errësirë ​​dhe mjegull në momentin e rrëzimit, dhe raportet fillestare sugjeruan se helikopteri goditi kopshtin përpara se të rrëzohej pranë një ndërtese banimi.

Zelensky: Rrëzimi i helikopterit që vrau ministrin është ‘tragjedi e tmerrshme’ dhe ‘mëngjes i zi’

Presidenti ukrainas, Volodymr Zelensky e ka përshkruar rrëzimin e helikopterit si “një tragjedi e tmerrshme” dhe një “mëngjes i zi”.

Një operacion shpëtimi është duke u zhvilluar në vendin e rrëzimit, në afërsi të Kievit. Foto EPA

Duke shkruar në Telegram, presidenti i Ukrainës ka thënë: “Sot, një tragjedi e tmerrshme ndodhi në Brovary, rajoni i Kievit. Një helikopter i shërbimit të urgjencës shtetërore është rrëzuar dhe një zjarr ka shpërthyer në vendin e rrëzimit”.

“Numri i saktë i viktimave të tragjedisë është duke u përcaktuar. Midis tyre janë ministri i punëve të brendshme të Ukrainës Denys Monastyrskyi, zëvendësi i tij i parë Yevhen Yenin, sekretari shtetëror i ministrisë së punëve të brendshme Yuri Lubkovych, ndihmësit e tyre dhe ekuipazhi i helikopterit”, ka shkruar tutje ai.

Po ashtu, sipas tij, 25 persona janë plagosur, mes tyre dhjetë fëmijë. “Në këtë moment, tre fëmijë kanë vdekur. Dhimbja është e papërshkrueshme. Helikopteri ka rënë në territorin e një prej kopshteve”.

Mesazhi i Zelensky përfundon: “Ngushëllimet e mia për të gjitha familjet dhe miqtë e viktimave. Denys, Yevhen, Yuri, ekipi i ministrisë së punëve të brendshme… patriotë të vërtetë të Ukrainës. U prefshin ne paqe”.

Shija e redaktorit

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Libraria Dukagjini vjen me “BookFest” në Albi Mall

Libraria “Dukagjini” dhe “Albi Mall” kanë bashkuar forcat për një superfestë të librit, me shumë aktivitete e superatmosferë. Për dhjetë ditë me BookFest-in e librarisë...

Arti dhe kultura janë letërnjoftim nacional

Selman Jusufi, i cili ka studiuar Artin dramatik në Universitetin e Prishtinës, nga viti 1973 deri më 1985, ka qenë i angazhuar në Teatrin...

Më të lexuarat

Lajçak ‘befason” thotë se me Kurtin kanë rënë dakord që...

I dërguari i posaçëm i Bashkimit Evropian për dialogun Miroslav Lajçak, ka njoftuar nëpërmjet rrjetit të tij social se është në Kosovë, për të...

Gjendet pa shenja jete një person në Gjakovë

Policia e Kosovës ka njoftuar se është gjetur një person pa shenja jete në shtëpinë e tij në Gjakovë. Në raportin 24-orësh thuhet se njësitë...

Barrikadat, KFOR-i paralajmëron ndërhyrje nëse ato nuk largohen

Efikasiteti i këtyre mjeteve të rënda të KFOR-it është testuar hiç më larg se dy ditë më parë. Ushtrimet e 19 dhjetorit i kanë mundësuar...

Të fundit nga rubrika