Në një intervistë për gazetën britanike The Times, Ministri i Mbrojtjes i Ukrainës, Oleksiy Reznikov tha se Ukraina po grumbullon një forcë luftarake prej një milion ushtarësh të pajisur me armë perëndimore për të rimarrë territorin e saj jugor nga Rusia.
Në intervistën e tij të parë me një gazetë britanike që nga fillimi i pushtimit, Oleksii Reznikov tha se Presidenti Zelensky kishte urdhëruar ushtrinë e Ukrainës të rimarrë zonat e pushtuara bregdetare që janë jetike për ekonominë e vendit.
Ai shtoi se kjo është politikisht e nevojshme për vendin e tij, dhe se presidenti Zelenskyy ka dhënë urdhër për të hartuar planet e kundërsulmit.
“Ne e kuptojmë që politikisht është shumë e nevojshme për vendin tonë. Presidenti i ka dhënë urdhër shefit suprem ushtarak për të hartuar planet. Pas kësaj, shtabi i përgjithshëm po kryen detyrat e shtëpisë dhe thotë se për të arritur këtë qëllim na duhet XYZ”, ka thënë Reznikov.
🔺 EXCLUSIVE: Ukraine is massing a million-strong fighting force equipped with western weapons to recover its southern territory from Russia, the nation’s defence minister has revealed to The Times https://t.co/it1vJpDzpq
— The Times and The Sunday Times (@thetimes) July 10, 2022
Ai, gjithashtu, bëri të ditur se iu ka shkruar letra homologëve dhe partnerëve të Ukrainës, për t’iu treguar se pse kanë nevojë për armatim.
Ndërkaq, gjatë kësaj kohe, njerëzve në rajonet Cherson dhe Zaporizhia iu kërkua të largoheshin nga shtëpitë e tyre dhe, nëse ishte e nevojshme, të iknin edhe në Krime. Gadishulli i Krimesë është aneksuar nga Rusia që nga viti 2014.
Kurse, zëvendëskryeministrja Irina Vereshchuk tha se banorët nuk duhet të kapen mes fronteve në rimarrjen e Ukrainës.
Në lidhje me sulmet e rusëve me raketa, iu referua edhe presidenti ukrainas Volodymyr Zelenskyy në një video-fjalim, ku i paralajmëroi ushtarët rusë se këto veprime do të kenë pasoja.
Zelenskyy, gjithashtu, tha se trupat ruse kishin treguar edhe një herë se do të vrisnin civilë qëllimisht në zonat e banuara.
Ndërsa, Moska zyrtare ka mohuar bombardimin e qëllimshëm të civilëve.
Ukraina gati për një kundërofensivë për të rimarrë provincën Kherson