Ministri i Mbrojtjes, Ejup Maqedonci, sot ka pritur në takim lamtumirës këshilltarin e lartë për Strategji dhe Plane të Zyres Ndërlidhëse të NATO-së, nënkolonel Phillip Leahy, të cilit i dëshiroi suksese në detyrën dhe misionin e ri të tij.
Maqedonci e dekoroi nënkolonelin Phillip Leahy me medalje për Shërbim të Shquar, për shërbimin e tij dhe kontributin e dhënë në fushën e strategjisë dhe planeve, avancimin e kapaciteteve të FSK-së në këtë drejtim.
“Roli i trupës këshilluese të NATO-së në implementimin e Planit Gjithëpërfshirës të Tranzicionit është tejet i rëndësishëm dhe përbën element të pazëvendësueshëm për konsolidimin e FSK-së në hapa të sigurt e konform standardeve të shteteve anëtare të NATO-së”, ka thënë Maqedonci.
Ministri Maqedonci, gjithashtu, shtoi se bashkëpunimi me të gjithë këshilltarët e Zyrës Ndërlidhëse të NATO-s është i shkëlqyeshëm, andaj i tillë do të jetë edhe me pasuesin e nënkolonel Leahy.