Ministri Osmani: SHBA-ja nuk zhgënjen, ky është mesazhi ynë

Në ditën kur pritet të zhvillohet takimi në mes të ndërmjetësuesve të BE-së, kryeministrit Kurti dhe presidentit Vuçiq, ministri i Jashtëm i Maqedonisë, Bujar Osmani, ka deklaruar se Maqedonia e Veriut është aty për të inkurajuar palët dhe për të shërbyer si një shembull. Ai ka thënë se besimi në SHBA-në duhet të jetë i plotë

Ministri i Jashtëm i Maqedonisë së Veriut, Bujar Osmani, ka thënë se Shtetet e Bashkuara të Amerikës (SHBA) nuk zhgënjejnë dhe se në to duhet pasur besim të plotë.

Në një intervistë për RTV Dukagjini direkt nga Ohri i Maqedonisë, ministri Osmani ka thënë se e sotmja nuk paraqet një ditë të zakonshme dhe se janë shembulli më i mirë për besimin në SHBA-në.

“Nuk mendoj që është ditë e zakonshme për dialogun, ashtu janë pritjet se mund të jetë një ditë e rëndësishnme”, ka thënë ai, gjersa ka theksuar se “Neve nuk ka zhgënjyer asnjëherë besimi në shtetet e Bashkuara  të Amerikës, edhe kur kemi pasur marrëveshje  të shkruara, por edhe çështje që nuk kanë qenë të shkruara…Ky është mesazhi jonë. ShBA-të nuk zhgënjejnë, nuk na kanë zhgënjyer asnjëherë, besimi tek ta duhet të jetë i plotë”.

Ndër të tjera, ministri ka deklaruar se Maqedonia e Veriut është aty për të inkurajuar palët dhe për të shërbyer si një shembull. Krahas kësaj, ai ka thënë se një mossukses në Ohër të shtunën mund ta vështirësojë dialogun apo suksesin e së nesërmes.

Takimi i shumëpërfolur i nivelit të lartë në mes të kryeministrit të Republikës së Kosovës dhe presidentit të Serbisë, Aleksandër Vuçiq do të zhvillohet sot, e shtunë, në Ohër të Maqedonisë. Ndërsa, pritet të fillojë nga ora 13:30.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika