Ministri Peci tregon pse nuk e ka shkarkuar këshilltarin që u dënua për vjedhje votash

Ministri i Bujqësisë, Faton Peci, ka deklaruar se vonë e ka kuptuar që këshilltari i tij politik ka pasur aktakuzë

Faton Peci, Ministër i Bujqësisë

Ministri i Bujqësisë, Faton Peci, ka treguar pse nuk e ka shkarkuar nga pozita e këshilltarit politik, Enis Osmanin i cili u dënua për falsifikim të rezultateve të votimit në zgjedhjet e vitit 2017 në një qendër votimi në fshatin Bare të Mitrovicës.

Peci ka thënë se vonë e ka kuptuar që këshilltari i tij ka pasur aktakuzë dhe se është duke i mbledhur disa informacione që sipas tij shkojnë përtej vendimit të gjykatës.

“Meritrokracia ka qenë dhe do të jetë sa të jem unë. E dyta është kjo një ngjarje që unë e kam kuptuar vonë e vitit 2017 në të cilën unë jam duke i mbledhur edhe disa informacione të tjera edhe përtej vendimit të gjykatës”, ka deklaruar Peci në Tëvë1.

Sipas tij, Osmani si kryesues ka lejuar që komisionarët të bëjnë numërimet brenda partive politike dhe nuk ka ndërhyrë.

“Njëra prej pretendimeve të tij është që, si kryesues ka lejuar që komisionerët të bëjnë numërimet brenda partive politike dhe ky nuk ka ndërhy. Për mua është shumë e rëndësishme edhe ky element. Jam në proces të mbledhjes së edhe të informacioneve të tjera, në kuptimin se është shumë e rëndësishme a ndërlidhet edhe me ndërhyrjen e tij personale apo me neglizhencën e mos tërheqjes vërejtjes së gjithë anëtarëve të komisionit”, ka thënë ai.

Peci është kritikuar nga partitë opozitare për emërimin si këshilltar politik të një personi me aktakuzë.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika