Ministri serb i Mbrojtjes Millosh Vuçeviq ka thënë se situata në Kosovë “është ende shumë e tensionuar sepse ka shumë pyetje të hapura” dhe se shpreson se “përgjigjet do të kërkohen në formë të dialogut”.
Ai tha se presidenti i Serbisë, Alekandër Vuçiq i shikoi me mençuri letrat e kryeministrit të Kosovës, Albin Kurti, dhe sipas tij andaj mbetën targat KM.
“Serbët janë të shqetësuar sepse nuk dihet se cili do të jetë hapi i ardhshëm për Kurtin, një njeri që ka treguar se merr vendime jo shumë racionale dhe se nuk është njeri i marrëveshjeve”, tha ministri për shkruan mediumi serb, duke deklaruar se “Vuçiq i shikoi me mençuri letrat e kundërshtarit dhe e dinte se kur po bënin bllof, ndaj mbetën targat e KM”.
Vuçeviq tha se Serbia “gjithmonë zgjedh, sa herë që ka qoftë edhe një milimetër hapësirë, të kërkojë zgjidhje përmes dialogut, e cila; nuk do të thotë se do të gllabërojë gjithçka, përkundrazi, por duam të parandalojmë luftërat dhe konfliktet”.
Ai shtoi se ushtria serbe është e gatshme për të përmbushur urdhrat e komandantit suprem por që Serbia gjithmonë kërkon që zgjidhja të arrihet me dialog.
“…ushtria jonë është e guximshme dhe e vendosur për të përmbushur të gjitha detyrat që i merr nga kreu i shtetit, por Serbia gjithmonë kërkon që zgjidhja të arrihet me dialog, marrëveshje, kompromis”.