Ministri i Shëndetësisë, Arben Vitia ka pritur në takim drejtoreshën e Misionit të USAID-it në Kosovë, Zeinah Salahi, të premten e 13 janarit.
Ministria e Shëndetësisë ka njoftuar se në këtë takim është biseduar për bashkëpunim në fushën e shëndetësisë.
“Ai ka falënderuar USAID-in për mbështetjen e vazhdueshme që i ka dhënë Ministrisë së Shëndetësisë edhe gjatë kohës së Covid-19 përmes UNICEF-it dhe në partneritet me MSh-në”, thuhet në njoftimin e Ministrisë së Shëndetësisë.
Tutje njoftohet se ministri Vitia ka falënderuar USAID-in për mbështetjen “që është duke i ofruar Ministrisë së Shëndetësisë përmes ekspertëve të DAI-së në ngritjen e përformancës së institucionit”.
Mes tjerash thuhet se të dy palët janë dakorduar që të vazhdojë bashkëpunimi në fushat aktuale dhe mundësitë e zgjerimit në të ardhmen.