Ministri i Shëndetësisë, Arben Vitia, dhe drejtori i ShSKUK-së kanë vizituar qytetarët e helmuar në Malishevë, të cilët janë hospitalizuar në Klinikën Infektive në QKUK.
“Në QKUK të hospitalizuar janë 11 qytetarë dhe 9 qytetarë të tjerë janë në Spitalin e përgjithshëm të Prizrenit”, ka shkruar Vitia.
Ministri i Shëndetësisë ka thënë se inspektoratet e organet ligjzbatuese janë në terren dhe kanë marrë të gjitha të dhënat lidhur me rastin dhe burimin e shkakun e helmimit.
“Gjendja e të gjithë të hospitalizuarave pas marrjes së trajtimit mjekësor është e qetë dhe stabile”, ka shkruar ai.
Se gjendja e qytetarëve të helmuar është stabile, këtë e ka thënë dhe drejtori i Klinikës Infektive në Qendrën Klinike Universitare të Kosovës (QKUK), Arben Vishaj.
Lexo dhe: Vishaj flet për të helmuarit në Malishevë: Gjendja e përgjithshme është stabile
Ai ka thënë se në aspektin e anamezes, para gjashtë orëve kanë konsumuar ushqim në një lokal në Malishevë.