Ministria e Shëndetësisë (MSHSH) ka dhënë disa rekomandime për qytetarët se si të mbrohen nga temperaturat e larta.
Ministria e Shëndetësisë ka bërë thirrje për të pirë më shumë ujë gjatë gjithë ditës, për të shmangur rrezet e diellit nga ora 10:00 deri në 16:00 dhe për të përdorur krem mbrojtës.
Ministria ka bërë thirrje gjithashtu për pushime të rregullta nëse punoni jashtë.
“Njihni shenjat e sëmundjes nga nxehtësia: Marramendje, dhimbje koke, dobësi. Telefoni për ndihmë: Nëse dikush tregon shenja të goditjes nga nxehtësi. Ndihma e parë: Vendosni personin në hije, ofroni ujë dhe freskim të trupit”, thuhet në rekomandimet e Ministrisë së Shëndetësisë.