Ministria e Shëndetësisë në një komunikatë për media Facebook ka njoftuar se ka pranuar një raportim nga Klinika Infektive, QKUK, për një rast të dyshuar me linë e majmunëve më 3 qershor 2022, në orën 17:41.
I dyshuari është mashkull nga Komuna e Dragashit, i lindur në vitin 1953.
Pacienti është i hospitalizuar në Klinikën Infektive, QKUK, dhe i është marrë mostra nga ndryshimi lëkuror, e cila do të dërgohet për analiza laboratorike në Holandë. Gjendja e pacientit është stabile
“Mostra do të dërgohet në laboratorin referent të OBSh në Holandë, presim edhe rezultatet laboratorike deri në diagnozën përfundimtare sipas kritereve të parapara”, njofton Ministria e Shëndetësisë.
Ministria e Shëndetësisë dhe IKSHPK, njofton qytetarët e Republikës së Kosovës, se për çdo informatë të re, opinioni publik do të informohet në kohë reale.
Ministria e Shëndetësisë njofton se gjendja është e qetë dhe stabile.