Ministria vazhdon thirrjet për vaksinim kundër COVID-19: Pandemia s’ka mbaruar

Ministria e Shëndetësisë u ka bërë thirrje qytetarëve që të vaksinohen, duke rikujtuar që pandemia COVID-19 s’ka përfunduar ende

Pjesë e marrur nga video e postuar nga Ministria e Shëndetësisë

Ministria e Shëndetësisë u ka bërë thirrje qytetarëve që të vaksinohen kundër COVID-19, ngase, sipas këtij dikasteri, pandemia nuk ka mbaruar ende.

Me anë të një postimi në Facebook, ministria ka theksuar se çdo vaksinë e dhënë nënkupton hospitalizime më të pakta.

“Pandemia COVID-19 nuk ka përfunduar ende. Çdo vaksinë e dhënë nënkupton më pak pacientë të shtrirë në spitale, më pak vdekje nga COVID-19 dhe, NE, më afër njëri-tjetrit. Vaksinohu edhe Ti! Për një Kosovë të shëndetshme dhe të mbrojtur nga COVID-19”, thuhet në apelin e ministrisë.

Ndërkaq, sipas të dhënave të fundit nga Instituti Kombëtar i Shëndetësisë Publike në Kosovë, numri i rasteve aktive me Coronavirus është 394.

Ilustrim

Numri i përgjithshëm i të shëruarve është 224 mijë e 569, ndërkaq nga fillimi i pandemisë nga Coronavirusi kanë vdekur tre mijë e 138 persona.

Në 24 orët e fundit janë dhënë 36 doza të vaksinës kundër COVID-19.

Prej fillimit të vaksinimit, në të gjitha qytetet e Kosovës, janë dhënë një milion e 826 mijë e 287 doza të vaksinës.

Deri më sot 822 mijë e 059 qytetarë janë vaksinuar me dozën e dytë.

Deri më sot janë dhënë 101 mijë e 649 doza përforcuese dhe doza të treta të vaksinës kundër COVID-19.

Ndryshe, me propozim të Ministrit të Shëndetësisë, Rifat Latifi, janë miratuar masat e reja kundër Covid-19.

Latifi ka thënë se situata epidemiologjike në vend është stabile dhe për këtë arsye kanë kërkuar që masat të lehtësohen.

“Ne jemi në situatë që të kërkojmë nga qeveria t’i lehtësojmë masat që kemi pasë për Covid-19, masat e propozuara dhe afatet kohore shërbejnë të mbahen nën kontrollë”, ka deklaruar Latifi.

Por, sipas ministrit të shëndetësisë, situata duhet të mbahet nën kontroll.

Ky propozim është votuar nga të gjithë ministrat e Qeverisë së Kosovës.

Në mbledhje Qeveria ka miratuar, gjithashtu, edhe kërkesën e ministrit Latifi, për plotësim-ndryshimin e udhëzimit administrativ për licencimin e profesionistëve të huaj shëndetësorë për nevoja të Shërbimit Spitalor Klinik Universitar të Kosovës (ShSKUK).

Me këtë vendim Latifi tha se mundësohet të ofrohet më shpejtë edhe licencimi i profesionistëve shëndetësorë që vijnë nga Lugina e Preshevës.

Qeveria miraton masat e reja anti-Covid

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika