Ministrja e Punëve të Jashtme dhe Diasporës, Donika Gërvalla është takuar me ministren austriake për Evropë dhe Kushtetutë, Karoline Edtstadler, gjatë vizitës së saj në Austri.
Edtstadler ka thënë se dialogu Kosovë-Serbi është vendimtar, jo vetëm për stabilitetin në rajon, por njëherësh, edhe për perspektivën evropiane të Ballkanit Perëndimor.
Më tej, ajo ka theksuar se shpreson për një progres të shpejtë në çështjet me rëndësi për qytetarët në Austri dhe Kosovë, ashtu që të ndërtohet besimi i ndërsjellë.
Good exchange with Vice-Prime Minister of the Republic of Kosovo, Donika Gërvalla-Schwarz. The Belgrad-Pristina Dialogue is crucial not only for the stability of the region but also the European perspective of the Western Balkans. (1/3) pic.twitter.com/j3FQyquEe2
— Karoline Edtstadler (@k_edtstadler) May 24, 2022
Edtstadler ka folur edhe mbi çështjen e liberalizimit të vizave.
Ajo ka thënë se Kosova është vendi i fundit i Ballkanit Perëndimor që përballet me regjim të vizave.
“Kosova ka përmbushur të gjitha 95 kriteret për liberalizimin e vizave dhe Parlamenti i BE-së është shprehur vazhdimisht në favor të liberalizimit të vizave. Është koha që përfundimisht të realizohet liberalizimi i vizave për Kosovën”, ka shkruar ajo.