Christine Lambrecht, ministrja gjermane e Mbrojtjes, ka dhënë dorëheqjen.
Siç raporton AP-News, Christine Lambrecht ka thënë në një deklaratë se ajo ia kishte paraqitur kërkesën e saj të dorëheqjes kancelarit gjerman, Olaf Scholz, duke shtuar se “muaj të përqendrimit mediatik në personalitetin tim” kishin qëndruar në rrugën e një debati faktik rreth ushtrisë dhe politikës së sigurisë së Gjermanisë.
“Puna e vlefshme e ushtarëve dhe e shumë njerëzve në departamentin tim, duhet të jetë në plan të parë,” ka thënë ajo.
57-vjeçarja ka qenë ministre e Mbrojtjes qëkur Scholz u bë kancelar në dhjetor 2021.
Kritikët e kanë portretizuar prej kohësh si jashtë thellësisë së saj, por Scholz i qëndroi pranë, duke e përshkruar muajin e kaluar si “një ministre e Mbrojtjes së klasit të parë”.
Që në fundjavë, disa media gjermane raportuan se ministrja gjermane e Mbrojtjes, Christine Lambrecht, do të japë dorëheqjen.
Të shtunën, ishte gazeta gjermane “Süddeutscher Zeitung” e cila shkroi, se Christine Lambrecht do të dorëzojë detyrën javën e ardhshme.
Po të shtunën, sipas gazetës “Bild”, iniciativa për dorëzimin e postit erdhi nga vetë politikanja socialdemokrate.
Sipas mediave, arsye për dorëzimin e detyrës nga ministrja e Mbrojtjes, është krijimi i bindjes te Lambrecht se nevojitet një fillim i ri në Ministrinë e Mbrojtjes.