Çmimi i naftës për litër të martën do të jetë një euro e 72 centë për litër. Kështu bëhet e ditur në publikimin e përditshëm të çmimeve tavan për derivate të Ministrisë së Industrisë, Ndërmarrësisë dhe Tregtisë (MINT).
Çmimi maksimal i lejuar për një litër naftë është vetëm një cent më lirë sesa të hënën.
Kurse çmimet për derivate të tjera siç janë benzina dhe gasi, nuk kanë lëvizur nga dita e hënë.
Çmimi i benzinës është një euro e 38 centë për litër, kurse ai i gazit zero euro e 76 centë.
Këto çmime vlejnë 24 orë nga koha e publikimit.
Ministria e Industrisë, Ndërmarrësisë dhe Tregtisë(MINT), pritet t’i publikojë çdo ditë çmimet tavan apo maksimale të lejuara për shitjen e derivateve.
Ky vendim është marrë si masë lehtësuese, pas rritjes së çmimeve të derivateve, dhe dyshimeve për keqpërdorime nga kompanitë që shesin derivate.