Miratohet koncept-dokumenti për themelimin e Fondit Sovran

Qeveria e Kosovës në mbledhjen e 81 të saj, e ka miratuar draftin e koncept-dokumentit që do të mundësojë themelimin e Fondit Sovran, që ishte dhe premtim elektoral i partisë në pushtet Lëvizjes Vetëvendosje

Qeveria e ka miratuar draftin e koncept-dokumentit për themelimin e Fondit Sovran.

Kryeministri i Kosovës, gjatë prezantimit të tij, ka thënë se ky fond do të shërbejë për transformimin ekonomik të vendit. Sipas tij, do të ketë orientim e investime të reja, si dhe rritje të punësimit.

Ky projekt ishte premtim i Lëvizjes Vetëvendosje, gjatë fushatës së fundit zgjedhore.

Ky Fond parasheh që asetet kryesore të shtetit t’i ketë nën menaxhim, dhe Agjencia Kosovare e Privatizimit të shuhet.

Më 30 shtator të vitit 2021, Qeveria e Kosovës e kishte formuar një grup punues për themelimin e Fondit Sovran.

Kryetar i Grupit Punues u zgjodh Besnik Pula, profesor në Universitetin Virginia Tech, në ShBA, njëkohësisht këshilltar i kryeministrit Kurti për marrëdhënie ekonomike ndërkombëtare, i cili bëri një prezantim të shkurtër përpara Komisionit.

Atë kohë, kryeministri Albin Kurti kishte thënë se iniciativa për themelimin e Fondit Sovran është njëra nga reformat më të mëdha ekonomike të vendit tonë që nga pavarësia.

Qeveria emëron anëtarët e Bordit të Ndërmarrjes “KRU Prishtina”

Në konkursin për anëtar në Bordin e Ndërmarrjes KRU Prishtina, kishin aplikuar 100 kandidatë. Kështu bëri të ditur kryeministri Albin Kurti në mbledhjen e Qeverisë.

Nga 100 kandidatë, janë zgjedhur katër kandidatë, me kryesuese Teuta Ukshinin.

Kandidatët e tjerë që u emëruan janë, Albana Berisha, Fadil Berisha, Saxhide Mustafa.

Qeveria emëron anëtarët e bordit të KRU Mitrovicës

Qeveria e Kosovës i ka emëruar anëtarët dhe kryetarin e bordit të ndërmarrjes KRU Mitrovica.

Kryesuese e bordit u zgjodh Kumrije Kelmendi Aliu, kurse anëtarët e tjerë ishin, Bashkim Halabaku, Miranda Zherka dhe Zijadin…

Po ashtu, Qeveria e Kosovës ka vendosur të ndajë 50 mijë euro për të mbështetur shqiptarët në Luginë të Preshevës. Pos kësaj, është themeluar edhe Komisioni për memorialin për fëmijët e vrarë gjatë luftës.

Shija e redaktorit

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

FFK prezanton nesër përzgjedhësin e ri të Kosovës

Federata e Futbollit të Kosovës (FFK) përmes një njoftimi zyrtar ka bërë të ditur se nesër (e shtunë) do të bëhet prezantimi i përzgjedhësit...

Të fundit nga rubrika