Në seancën e së enjtes në Kuvendin e Kosovës me 86 vota për, asnjë kundër dhe një abstenim kaloi në shqyrtim të parë Projektligji për Zgjedhjet e Përgjithshme në Republikën e Kosovës.
Po ashtu kaloi edhe mocioni i deputetit të Lëvizjes Vetëvendosje (LVV), Adnan Rrustemi i cili kërkoi që të shmanget procedura e paraparë me rregullore të Kuvendit kështu duke thënë që shqyrtimi dhe miratimi edhe në lexim të dytë të bëhet brenda ditës.
Mocioni i tij u votua me 81 vota per, 1 votë kunder dhe asnjë abstenim.
Projektligjin e kanë mbështetur të gjitha partitë në Kuvend, ndërsa kundër ishte deputeti, Haki Abazi.
Kryeministri i Kosovës, Albin Kurti, ka thënë se si kryeministër i vendit dhe kryetar i LVV-së ka shprehur falënderimin për përfundimin me sukses të kësaj reforme zgjedhore.