Në seancën e së mërkurës në Kuvendin e Kosovës pa praninë e opozitës është miratuar Strategjia e Energjisë të Republikës së Kosovës për periudhën 2022-2031.
Po ashtu, janë miratuar edhe Projektligji për ndryshimin dhe plotësimin e ligjeve që përmbajnë procedura të veçanta administrative dhe harmonizimin e tyre me Ligjin për procedurën e përgjithshme administrative, ai për ndryshimin dhe plotësimin e Ligjit për mbrojtjen e konsumatorit si dhe Projektligji për konfliktet administrative.
Po ashtu, është miratuar edhe projektligji për ekspertët gjyqësorë, për sistemin qendror të evidencës penale të Kosovës si dhe për rregullat e trafikut rrugor.
Ndërkaq nuk kaloi raporti vjetor i Autoritetit të Aviacionit Civil të Kosovës për vitin 2021.