I dërguari special i Bashkimit Evropian për dialogun Kosovë-Serbi, Miroslav Lajçak, këtë të hënë do ta vizitojë Serbinë, ku pritet të takohet me presidentin Aleksandër Vuçiq.
Sipas mediave serbe, takimi pritet të nis rreth orës 14:30, ku do të diskutohet për planin evropian dhe për mënyrën e zbatimit të tij.
Kjo vizitë e Lajçakut në Serbi, vjen disa ditë pas takimit të tij në Kosovë me krerët e institucioneve, Albin Kurtin dhe Vjosa Osmanin.
Emisari i BE-së kishte deklaruar se pret që palët më 18 mars ta nënshkruajnë marrëveshjen.
Në Serbi, ai do të qëndrojë deri të mërkurën.