Ministria e Kulturës, Rinisë dhe Sportit ka nënshkruar marrëveshje të bashkëpunimit me 31 Biblioteka Komunale.
MKRS ka njoftuar se ka ndarë 6 mijë e 451 euro për furnizim me fond librar të çdo biblioteke.
“Në Bibliotekën Kombëtare të Kosovës, sot u zhvillua ceremonia e nënshkrimit të marrëveshjeve të bashkëpunimit mes Ministrisë së Kulturës dhe 31 Bibliotekave Komunale. Përmes tyre ofrohet mbështetje financiare në vlerë prej 6,451 euro për furnizim me fond librar të çdo biblioteke”, thuhet në njoftim.
Në bashkëbisedimin e ministrit Hajrullah Çeku me përfaqësuesit e Bibliotekave Komunale, i njoftoi ata se shuma e përgjithme e mbështetjes për librin këtë vit është një milion euro.
“Përveç nënshkrimit të marrëveshjeve, ministri Çeku zhvilloi bashkëbisedim me përfaqësuesit e Bibliotekave Komunale për punën aktuale që po bëhet në MKRS në fushën e librit, ku ndër të tjera theksoi që shuma e përgjithme e mbështetjes për librin këtë vit është 1 milion euro. Po ashtu, u fol për politikat dhe punën e përbashkët drejt zhvillimit të mëtutjeshëm në këtë sektor”, thuhet në njoftimin e MKRS-së.