Të pavlefshëm e ka shpallur Ligjin për Këshillin Prokurorial të Kosovës, Gjykata Kushtetuese e Kosovës.

Ky vendim erdhi pas kërkesës për vlerësim të kushtetutshmërisë së këtij ligji nga deputetët e PDK-së dhe LDK-së gjatë vitit të kaluar.

Kjo u bë e ditur nëpërmjet një njoftimi për media nga Kushtetuesja, duke theksuar se disa nene të këtij ligji janë në mospërputhje me Gjykatën Kushtetuese.

Kryetari i Partisë Socialdemokrate (PSD), Dardan Molliqaj ka reaguar lidhur me këtë çështje dhe përmes një postimi, Molliqaj këtë e ka konsideruar si fitore.

“U hudh poshtë nga Gjykata Kushtetuese kapja e Këshillit Prokurorial të Kosovës”, ka shkruar Molliqaj.

“Fitore për drejtësinë tonë. Goditje për tendecën autoritare të Kurtit”, ka thënë tutje kreu i PSD-së.

Minsitria e Drejtësisë ka njoftuar se lidhur me këtë çështje, ministrja e këtij dikasteri, Albulena Haxhiu, nesër në ora 12:00, do të mbajë konferencë për media.