Kryetari i Partisë Socialdemokrate, Dardan Molliqaj, ka thënë se Policia e Kosovës e kishte arrestuar në mënyrë të paligjshme, sepse sipas tij në momentin e arrestimit nuk i kanë prezantuar urdhër të gjykatës.
“Policia më ka arrestu pa urdhër të gjykatës dhe prokurorisë, ma shkelje e madhe është kur arrestohet pa urdhër të gjykatës.”, ka thënë ai në “Debat Plus”.
Molliqaj ka folur edhe për Qeverinë e Kosovës, dhe kryeministrin Albin Kurti, duke thënë se ka mendësi autokratike.
Ai e ka marrë shembull Rusinë, duke thënë se edhe pse është shtet autokratik nuk arrestohen të gjithë ata që janë kundër presidentit atje.
“Çdo tendencë me e zhveshë argumentin politik me sulmet se ke qenë ashtu e kështu, edhe në Rusi nuk janë të gjithë në burg, nuk janë të gjithë kundërshtarët në burg, shumica janë por jo të gjithë”, ka thënë ai.
Molliqaj, është i ftuar në “Debat Plus”, për të diskutuar në lidhje me punët e Qeverisë së Kosovës.