Molliqaj shprehet pro ripërcaktimit të kufirit në mes të Kosovës dhe Serbisë

Kryetari i PSD-së, Dardan Molliqaj ka thënë se ripërcaktimi i kufijve në mes të Kosovës dhe Serbisë, do të ishte zgjidhja e duhur për t’i normalizuar raportet në mes të dy vendeve

Dardan Molliqaj, i ftuar në emisionin "Five".

Kryetari i Partisë Social Demokrate (PSD), Dardan Molliqaj, ka thënë se Kryeministri Albin Kurti, nuk ka asnjë ide që do ta arrinte ndonjë marrëveshje të duhur në mes të Kosovës dhe Serbisë.

Sipas tij, zgjidhja më e mirë do të ishte ripërcaktimi i kufijve në mes të dy vendeve më marrëveshje dhe në mënyrë paqësore.

Sipas tij ideja për themelimin e  asociacionit për komunat me shumicë serbe, do të ishte marrëveshje e gabuar.

“Ne jemi për ripërcaktim të kufijve…Po flas për ripërcaktim të kufijve me marrëveshje. Nëse ka Kurti ndonjë ide më të mirë le ta shfaqë,  ne e dimë që ideja e asociacionit nuk është zgjidhje e duhur”, ka thënë Molliqaj.

I pari i PSD-së, ka thënë se nëse do të ketë një marrëveshje me Serbinë, gjatë qeverisjes së Albin Kurtit, ajo nuk do te jetë e dobishme për vendin.

Molliqaj ka folur edhe për vizitën e kryeministrit Kurti, në SHBA, duke e cilësuar atë si “eskurzion të kryeministrit”.

Sipas tij, do të ishte më mirë sikurse ajo vizitë të mos bëhej fare.

“E pamë një eskurzion në SHBA, është skandal.  Me shku kryeministri dhe ta bëjë një eskurzion, është vetëm dëm, më mirë të mos shkoj. Në rrafshin politik është shumë keq, në rrafshin ekonomik është hajgare. Kishin me qenë takime shumë të mira këto ekonomike nëse kishin ndodhë këto tjera”, ka thënë ai.

Në mes të tjerash Molliqaj e ka kritikuar edhe politikën e jashtme të Kosovës, duke thënë se nuk po e bëjnë si duhet një gjë të tillë.

Shija e redaktorit

Rama takohet me udhëheqësit e Katarit, i fton ata për...

Kryetari i Prishtinës, Përparim Rama ka njoftuar se së bashku me Presidenten e vendit, Vjosa Osmani është duke qëndruar në Katar për një vizitë...

Osmani uron Suedinë pasi iu hap rruga për anëtarësim në...

Presidentja e Kosovës, Vjosa Osmani, ka uruar Suedinë pasi asaj iu hap rruga për anëtarësim në NATO, meqë Hungaria miratoi të hënën kandidaturën e...

Osmani takohet me emirin e Katarit, flasin për trajtimin e...

Presidentja e Kosovës, Vjosa Osmani, është pritur në takim nga emiri i Katarit, Sheikh Tamim Bin Hamad Al Thani, me të cilin ka biseduar...

Të fundit nga rubrika