Kryetari i Partisë Social Demokratike, Dardan Molliqaj, është duke qëndruar për vizitë në Luginën e Preshevës, ndërsa në ditën e dytë të takimit është takuar me kryesinë e Organizatës së Veteranëve të Luftës së Ushtrisë Çlirimtare për Preshevën, Medvegjën, dhe Bujanocin(OVL-UÇPMB)
Gjithashtu, Molliqaj i ka nderuar edhe “28 dëshmorët e rënë nga radhët e UÇPMB-së pikërisht në vendin ku gjendej dikur lapidari i kushtuar ndaj tyre dhe i cili u largua nga autoritetet e Serbisë”.
“Sakrifica e tyre është pjesë e pandashme e historisë sonë për liri, barazi e drejtësi”.
“Nga vizita jonë dyditore në Luginë vizituam edhe zyrët e OVL-UÇPMB-së në Preshevë dhe kryetarin e saj, Nazmi Hajredini”.
Molliqaj ka përfunduar duke shprehur solidaritetin dhe mbështetjen e plotë për kërkesat dhe nevojat e OVL-UÇPMB-së.