Kryetari i Partisë Socialdemokrate (PSD), Dardan Molliqaj, ka thënë se zgjedhjet e sotme janë argument i ri i Vuçiqit për të ushtruar presion rreth krijimit të Asociacionit.
Molliqaj ka thënë tutje se sot kryeministri Kurti ka dashur të tregojë se edhe në veri mund të mbajë zgjedhje.
“Për të më e rëndësishme është të arsyetoje pushtetin e vet sesa të trajtojë veriun më shumë sesa çështje sigurie dhe e mungesës së rendit e ligjit”, ka shkruar Molliqaj.
Kreu i PSD-së ka thënë tutje se çështja e veriut është “çështje politike” dhe se “prandaj duhet të trajtohet politikisht”.
“Deri tani, veprimet e pushtetit kanë qenë të gabuara e shpesh herë të rrezikshme”.
Komisioni Qendror i Zgjedhjeve tha se sipas rezultateve preliminare, Lëvizja Vetëvendosje ka fituar garën për kryetarë të komunave të Mitrovicës së Veriut dhe Leposaviqit, ndërkaq Partia Demokratike e Kosovës ka fituar në Zveçan dhe Zubin Potok.