Instituti Hidrometeorologjik ka njoftuar se temperaturat maksimale do të arrijnë deri në 36 gradë celsius e ato minimale do të lëvizin ndërmjet 15-19 gradë Celsius gjatë ditës.
IHK ka bërë thirrje që të shmanget dalja në diell gjatë këtyre ditëve kur parashihet që i nxehti të vazhdojë.
“Kujdes nga rrezet direkte të diellit, sidomos nga intervali kohorë 10-17h, sepse indeksi UV ka shënuar vlera të larta. Përdorni sa më shum ujë të freskët, jo lëngje të gazuara, kapelë, syze për t’u mbrojtur nga dielli, rroba me ngjyra të lehta nga pambuku ose liri. Të mos konsumojmë ushqime të fërguara, me shumë yndyrë dhe ushqime të shpejta, por sa më shumë ujë të thjeshtë , pemë dhe perime”, thuhet në njoftim.