Këngëtari Gramoz Aliu, i njohur si Mozzik ka reaguar pas vjedhjes në shtëpinë e tij. Ai thotë se dëmi ka qenë shumë i madh.
Rep artisti i njohur, Mozzik në një postim në rrjetin social “Facebook” ka njoftuar se shtëpia e tij ishte cak i “hajnave”.
Sipas Mozzik, hajdutët kanë arritur që të thyejnë kasafortën dhe të marrin 100 mijë euro cash por edhe orë, unaza, zinxhira e ari që sipas tij tejkalojnë shifrën e lartëcekur.
Sipas tij, dëmi që i është bërë ka qenë shumë i madh.
15 nga 16 armë me leje, sipas Mozzikut janë vjedhur nga hajdutët.
“Dëmi ka qenë shumë i madh duke u bazuar që hajnat kan hyrë brenda dhe kan thyer kasafortën fillimisht dhe kan marrë 100k ( njëqindmijë euro cash ) para nga kursimet e mia qe i bëj besoj qe 6/7 vite. Nuk paskan lënë orë , unaza , zingjira , ari pa marrë edhe këto që tejkalojnë shumat e lartëcekura. Rreth 15/16 armë me leje të gjitha i kan vjedhë. Dmth i kan vjedhur të gjitha armët në shtëpi ( me leje të gjitha).Dhe kan vjedhur komplet sistemin e dvr ( camera)”, ka shkruar Mozzik.
Aliu ka falënderuar Policinë e Kosovës për angazhimin për këtë rast.
“Unë jam tatim paguesi më i madh nga gjithë artistet në trojet shqiptare është e njoftuar Administrata Tatimore , Ministria e Financave ( nëse veç iu intereson mediave) Na marrshin t ‘ligat po u dashtë me lyp bre nëse ju kanë vytë se kurrë deri sot s’kam ditë me kthy dikon..sa kanë vjedhë këta hajna unë në vjet i shpërndaj nëpër njerëz pasha të madhin Zot”, ka shkruar tutje ai.