Deputeti i Lëvizjes Vetëvendosje(VV), Armend Muja, pas mbledhjes së Kryesisë së Kuvendit, ka njoftuar se seanca e radhës e Kuvendit të Kosovës do të mbahet të enjten e 14 korrikut.
Muja ka thënë se kjo seancë do të jetë vazhdim i disa pikave të papërfunduara.
Po ashtu, ka bërë të ditur se në seancën e re plenare në rend dite do të jenë dy projektligje të rëndësishme, projektligji për deklarimin e pasurisë dhe skemës së granteve komunale të menaxhuara në performancë.
Muja gjithashtu ka kërkuar konsensus me partitë opozitare për çështjet që ndërlidhen me drejtësinë.