Radhët e gjata shihen në ato pika të cilat janë ende të hapura, ku pritja për karburant zgjat të paktën një orë, transmeton CNN.
“Kjo nuk është normale. Kaloj më shumë kohë duke menduar se si të gjej karburant, sesa shpenzoj duke u përpjekur të gjej klientë”, tha një shofer taksie, për CNN.
“Ka më pak njerëz në Kiev se më parë, aq më pak klientë për taksinë time” shtoi ai.
Mungesa e karburantit, përveç kufizimit të udhëtimit, po ndikon edhe tek pronarët e bizneseve lokale, të cilët përpiqen të mbajnë kompanitë e tyre.
“Ne kemi nevojë për naftë, për prodhimin, dhe benzinën për dërgesat tona. Të dyja janë një problem për momentin,” tha pronari i një biznesi në Kiev.