Ismet Munishi ka thënë në emisionin ‘Dueli Sportiv’ në RTV Dukagjini se ka qenë momenti vendimtar që të largohet nga skuadra e Ferizajt.
”Faktorët kanë qenë të ndryshëm, por faturën që e merr është trajneri. Ka qenë momenti vendimtar që me të vërtetë klubi të vazhdojë pa mua, e kam parë se nuk kam çka të jap më aty. Normalisht që nuk i ka ardhur mirë as futbollistëve sepse ka qenë vendim i papritur,” tha ai.
Sipas tij, niveli i gjyqtarëve në Ligën e Parë lë shumë për të dëshiruar.
”Tash palaço nuk po ju them, pasi që palaço nuk janë të gjithë. Por, janë të dobët dhe ndoshta edhe tendencioz. Janë të paaftë, këtë e them me përgjegjësi të plotë. E shikoj edhe te fëmijët, nuk dinë të referojnë,” tha ai.
Më poshtë mund të shikoni ‘LIVE’ emisionin ‘Dueli Sportiv’.