Ismet Munishi mendon se 19-vjeçari duhet të lirohet më shpejt nga topi.
“Atij djalit Hazrollajt po harrojnë t’i thonë se nuk është Messi ai. Nuk mundet t’i driblojë pesë vetë përnjëherë. Ai kur është në duel një me një mundet me kalu, me bo një epërsi, është lojtar shumë i talentuar, por duhet ta mësojnë se si të luajë,” tha ai në emisionin “Dueli Sportiv” në RTV Dukagjini.
Tutje, Munishi e kritikoi paraqitjen e Hazrollajt kundër Prishtinës.
“Aty tash në Malishevë duke i thënë se ti je më i miri, ai mendon se e kalon krejt Prishtinën dhe e jep gol. Problem është se të analizojnë ata,” vazhdoi ai.
Futbollisti premtues kishte paraqitje të mira kundër Dukagjinit dhe Fushë-Kosovës në dy xhirot e para, ku ndaj kësaj të fundit arriti të realizojë ‘het-trik’.