Blerim Shabani, kryetari i Lidhjes së Qendrave për Punë Sociale në Kosovë, e ka akuzuar ministrin e Finacave, Hekuran Murati, se ai i ka injoruar kërkesat e Qendrave për Punë Sociale, të cilat janë të nevojshme për mbulimin e nevojave për shërbimet që i bën kjo qendër.
“Është për keqardhje që qasja ndaj forcimit të shërbimeve sociale është në këtë nivel. E kur po përballemi me raste trishtuese, po krijohet inercioni i reagimeve, por ndërmarrja e veprimeve vazhdon të mbetet në atë nivel”, ka shkruar Shabani, në Facebook.
“Pas 8 tetë muajsh, ministri nuk ka pasur kohë të takohet e t’i diskutojmë këto tema. Adresimi e gjetja e zgjidhjeve, duhet të bëhet me veprime e vendime konkrete e jo me deklarata në FB”.
“Ndër të tjera, kemi paraqitur shumë sfida, me të cilat, ballafaqohen QPS-të në zbatim të punës dhe ofrim të shërbimeve. Kemi kërkuar të bisedojmë për projekt, ligjin për shërbime sociale dhe familjare, nuk është në agjendë fare”, ka shtuar ai.
Nevojat e Qendrave për Punë Sociale të Kosovës janë:
Projektligjin për financat e pushtetit lokal ku parashihet granti specifik, dhe ku kontraktimi i shërbimeve sociale është hjekur nga agjenda;
Për udhëzimet administrative që presin për aprovim që sa muaj, i pengojnë nënat vetushqyese për ndihmë sociale në realizim të drejtës dhe viktimat e dhunës;
Për organin e kujdestarisë;
Për kolezionin e ligjeve;
Për numrin e vogël të stafit nëpër QPS-të e Kosovës dhe pamundësinë për të përballuar volumin e punës dhe nevojës për shërbime familjare;
Për domosdoshmërinën e investimeve në QPS;
Për infrastrukturën e dobët e me kushtet më të këqija në krejt komunat;
Për mungesën e fondit emergjent për përkrahje direkte të klientëve;
Për reformën në SNS dhe ligjin e ndihmës sociale;
Për reformat në politika sociale;
Për sfidat në banim social për viktimat e dhunës në familje.