Gjatë qëndrimit të tij në Armeni, ministri i Financave, Hekuran Murati, është pritur në takim nga ministri i Financave të Armenisë, Vahe Hovhannisyan.
Në këtë takim është diskutuar për mundësitë e bashkëpunimit ekonomik, thellimin e raporteve mes të dyja vendeve dhe mundësinë e organizimit të vizitave të ndërsjella të delegacioneve biznesore.
“Gjithashtu, ministri Murati shfrytëzoi rastin të falënderojë ministrin Hovhannisyan për mbështetjen e ofruar nga Armenia në procesin e anëtarësimit të Kosovës në Këshillin e Evropës”, thuhet në njoftim.
Në përfundim të takimit, palët janë dakorduar për thellim të bashkëpunimit përmes shkëmbimit të njohurive dhe praktikave më të mira të të dyja shteteve.