Ministri i Financave, Hekuran Murati, ka reaguar pasi opozita nuk i ka votuar anëtarët e bordit  të Trustit.

Sipas ministrit, “kjo opozitë nuk e ka hallin as te qytetari e as te shteti”.

“Para disa muajsh opozita bënte alarm e shpërndante panik se si gjoja mjetet e Trustit po rrezikoheshin për shkak të mungesës së bordit”, ka deklaruar ai.

“E njëjta opozitë sot në Komisionin Parlamentar për Buxhet pamundëson kuorumin dhe votimin e anëtarëve të bordit të Trustit pa kurrfarë arsye”, ka thënë Murati.

Ai ka përfunduar duke thënë se mosvotimi i opozitës për bordin e trustit është dëshmia e radhës se “Halli është tjetër kund”.