Ministri i Financave, Hekuran Murati ka reaguar lidhur me situatën e tensionuar në Kuvendin e Kosovës që ndodhi gjatë kësaj të enjte.
“Se a ishte rasti i djeshëm vetëm aksion simbolik e spontan i një deputeti, apo veprim i paramenduar e i planifikuar nga PDK, e dëshmon fotoja më poshtë”, ka shkruar Murati.
Murati ka thënë se ngjarjen e kanë shikuar qytetarët në video dhe se aty mund të shihet se kush kë e ka sulmuar. Ai është shprehur se shpreson që dhe hetuesia e prokuroria të kenë parë videot e njëjta që panë qytetarët.
“A, nëse i keni dëgjuar mbrëmë analistët nëpër studio dhe deputetët që më sulmuan, edhe mund të krijohet përshtypja se deputetin Lushtaku e sulmuam nga ulësja e qeverisë e ai u vetëmbrojt te ulëset e qeverisë. E me të parë Mërgimin teksa vetëmbrohej, Hajdar Beqa e Bekim Haxhiu u nisën nga fundi i sallës me vrap drejt nesh, që të vetëmbroheshin edhe ata”, ka shkruar tutje ai.