Avokati Skender Musa ka thënë se aktakuza gjithmonë duhet të jetë e plotë dhe jo e redaktuar sepse, përndryshe, është shkelje e të drejtave të të paraburgosurit , pasi kjo lë mundësi të paqarta, për këtë të fundit.
Musa ka shpjeguar se si kodet penale të Evropës janë zbatuar edhe në Ish- Jugosllavinë, ku sipas këtyre kodeve, i pandehuri duhet të pajiset me të gjitha shkresat e lëndës, para fillimit të procesit gjyqësor.
Sipas avokatit, kur i akuzuari deklarohet se nuk e ka kuptuar aktakuzën, Gjykata nuk mund të thirret se ka qenë deklarimi i plotë i të akuzuarit lidhur me aktakuzën, për shkak se ky është kusht ligjor.
“I akuzuari duhet ta kuptojë aktakuzën edhe nëse ky i fundit deklarohet se nuk është duke e kuptuar aktakuzën për shkak të redaktimit, atëherë gjykata duhet të ftojë prokurorinë e çështjes, që ta sqarojë aktakuzën, në mënyrë që, i pandehuri ta ketë të qartë dhe pastaj të deklarohet”, tha Musa.
Ai ka folur edhe për aktakuzën ndaj ish-presidentit të Kosovës, Hashimi Thaçi, ku ka thënë se është e vërtetë ajo çfarë ka thënë Thaçi, se aktakuza është e pakuptueshme pasi është e redaktuar.