Avokati, Skender Musa, ka thënë se numri i vrasjeve në Kosovë është shqetësues ngase është duke u rritur tek moshat e reja.

I ftuar në “Five”, Musa ka thënë se zakonisht, motivet për këto raste janë motivet pronësore dhe moszgjidhja e çështjeve civile të cilat përfundojnë me dhunë ose vrasje, e shpeshherë edhe motivet e xhelozisë.

Sipas tij, është shumë e lehtë të bartet arma e sidomos tek të rinjët, dhe kryerësit e veprave penale, ngase asnjëherë nuk e tregojnë burimin se ku janë furnizuar.

Skender Musa ka folur edhe për rastin e vrasjes së mbrëmshme në Klinë.

“Pavarësisht ku ka ndodhur vrasja, nëse vërtetohet se ka pasur mosmarrëveshje në të cilën vrasësi ka qenë i përgaditur, konsiderohet vrasje e rëndë”, ka thënë Musa, për RTV Dukagjinin.

Sipas tij, armëmbajtjet janë si pasojë e mossensibilizimit të qytetarëve dhe për këtë duhet të punojnë më shumë shkollat sesa institucionet e drejtësisë.