Musa: Viktimat e krimit duhet të kompensohen

Avokati Musa, ka thënë se kompensimi i viktimave të krimit duhet të bëhet nga Ministria e Drejtësisë

Pas zgjerimit të aktakuzës ndaj ish-krerëve të Ushtrisë Çlirimtare të Kosovës(UÇK), të enjten e 26 majit, janë pranuar 12 ”viktima” në procesin gjyqësor ndaj Thaçit e të tjerëve.

Në lidhje me këtë, Skender Musa, avokat, ka thënë se viktimat e krimit duhet të kompensohen.

I ftuar në emisionin “Five”, Musa ka thënë se nëse shpallet fajtor dikush dhe vërtetohet që është kryer vepra penale, atëherë Ministria e Drejtësisë , me nenin 62, me të cilin parashihet fondi për kompensimin e viktimave, duhet të kompensojë dëmin për viktimat.

Sipas tij, në Kosovë kur shqiptohen aktgjykimet, Gjykata e shqipton edhe një gjobë, por siç thotë ai kjo nuk mjafton sepse ky fond është shumë i vogël për të akuzuarit apo të dënuarit për çfarëdo krimi.

Po ashtu ai ka thënë se të gjitha institucionet shtetërore janë të detyruara që viktimat apo palët e dëmtuara ti trajtojnë mirë.

“Në bazë të kodit të procedurës penale, palët e dëmtuara janë të barabarta me të tjerët, dhe zakonisht dëshmitë e palëve të dëmtuara janë shumë të rëndësishme në proceset gjyqësore”, ka thënë Musa.

Sipas tij, vendimi i fundit i Gjykatës Speciale, është i rëndë për mbrojtjen e të akuzuarve, sepse procedurat gjyqësore në këto raste janë komplekse, siç thotë ai, dëshmitarët përgatiten por edhe këshillohen nga ana e mbrojtësve të viktimës.

“Janë një numër shumë i madh i avokatëve ndërkombëtarë të cilët janë të përgatitur, ata përfaqësojnë interesat e palëve të dëmtuara dhe nuk ka të drejtë askush ta këshillojë të përgjigjet, mirëpo sa i përket mbrojtjes të akuzuarve është sfiduese dhe proces i rëndë”, ka shtuar Musa.

Ndërsa sa i përket përgjegjësisë komanduese, Musa ka thënë se  janë dy aktgjykime të lëshuara nga Haga, i Fatmir Limaj dhe Ramush Haradinaj, të cilat vërtetojnë se UÇK nuk ka pasur hierarki.

“Hierarkia e UÇK-së, nuk mund të përdoret në procedurë, mund të pretendohet që kanë kryer krime, por realisht nuk kanë pasur ndonjë strukturë apo hierarki”, ka theksuar ai.

Ndryshe, gjatë ditës së sotme, 12 viktima janë pranuar për të marrë pjesë në procesin gjyqësor që do të zhvillohet në Hagë ndaj Hashim Thaçit, Kadri Veselit, Jakup Krasniqit dhe Rexhep Selimit.

Sipas gjykatësit të procedurës paraprake, 12 viktimat do të bëhen pjesë e procesit gjyqësor në Dhomat e Specializuara të Hagës.

Sipas tij, viktimat kanë pësuar dëme si rezultat i drejtpërdrejtë i krimeve të pretenduara në aktakuzën e ndryshuar dhe i ka pranuar ato si viktima pjesëmarrëse në procedurë.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika