Largimin e billbordeve ilegale në komunën e Zveçanit, analisti politik, Imer Mushkolaj, e ka cilësuar si veprim popullist nga dy ministrat, Xhelal Sveçla dhe Elbert Krasniqi.
Ai, në “Debat Plus”, tha se ky veprim është bërë për ta treguar forcën dhe praninë e Kosovës në veri.
Ai theksoi se ky veprim në praktikë nuk ka ndonjë dobi.
“Nuk e di me cfarë rregullore ndalohet me publiku fotografi në billboard të presidentit të Serbisë. Për mua nuk është arsyetim se po i heqim fotografitë e diktatorëve. Vuciqin e ke edhe në shkolla të gjuhës serbe. M’u duk veprim populist i ndërmarrë nga ministri Svecla dhe Krasniqi, me tregu që Kosova ka forcën me vepru kështu dhe kanë prani në veri”, tha ai.
Ai tha se prania e Serbisë në Kosovë është më e thellë sesa disa billborde ilegale.
“Heqja e bilbodrdit popullist, prania e Serbisë në Kosovë është më e thellë se një foto e Vuciqit ose e Putinit. Qeveria do të duhej të marrë masa të zbutë praninë e Serbisë në Kosovë…”, tha ai.
Sipas Mushkolajt, heqja e billbordeve është bërë për konsum të brendshëm politik.