Analisti Imer Mushkolaj ka reaguar pas sulmeve që janë bërë ndaj ekipit të gazetarëve, të cilët ishin duke raportuar për zhvillimet e fundit në veri të vendit.
“Gazetarët duhet të mbrohen. Shteti duhet t’i sigurojë gazetarët në veri. Sulmet ndaj tyre nuk duhet toleruar”, ka shkruar Mushkolaj në Facebook.
Ndryshe, gjatë ditës në veri të vendit ka pasur sulme ndaj Policisë së Kosovës dhe mediave, të cilat janë të vandalizuar me simbole fashiste e nacionaliste.
Në mesin e tyre ka qenë edhe vetura e ekipit të RTV Dukagjinit, e cila është dëmtuar gjatë raportimeve në Zubin Potok dhe në Leposaviq.
Përpos kësaj, disave prej tyre u janë shpuar edhe gomat.
Mediat e tjera që janë sulmuar janë TopChannel, Periskopi, Kallxo.com dhe Tëvë1.
Përkundër këtyre provokimeve, nga thirrje e vizatime të ndryshme, Policia e Kosovës dhe KFOR kanë qëndruar në nivel të detyrës, duke mos lënë që situata të eskalojë.
S’ndalen provokimet e serbëve, vendosin simbole fashiste në vetura të Policisë, KFOR-it dhe mediave