Musliu: AKI nuk u tregua inteligjente në rastin e ftesës nga Specialja të Ramadanit

Ganimete Musliu ka reaguar lidhur me ftesën e Gjykatës Speciale ndaj Burim Ramadanit, inspektorit i Përgjithshëm në AKI, duke e akuzuar se ky i fundit e ka dëmtuar këtë institucion

Ganimete Musliu

Ganimete Musliu, kryetare e Komisionit për Mbikëqyrjen e Agjencisë së Kosovës për Inteligjencë, ka deklaruar se ky institucion nuk është treguar aspak ‘inteligjent’ lidhur me ftesën e Gjykatës Speciale ndaj Burim Ramadanit, inspektor i Përgjithshëm në AKI.

Musliu, përmes një postimi në rrjetin social ‘Facebook’  ka thënë se ky i fundit e ka shfrytëzuar AKI-në për të tërhequr vëmendje publike dhe e ka dëmtuar këtë institucion.

“Ky institucion që fshehtësinë e ka punë të përditshme, çuditërisht lëshoi edhe komunikatë zyrtare lidhur me një ftesë për Ramadanin, rast që siç njoftoi nuk ndërlidhet asgjë me institucionin”, ka shkruar Musliu.

“Shfrytëzimi i AKI-së nga Ramadani për të tërhequr vëmendje publike në emër të saj e dëmton më së shumti vetë këtë institucion, ku me përkushtim dhe integritet të lartë shërbejnë shumë vajza dhe djem që e duan Kosovën pa politikë, pa hile dhe pa rezerva”, shkruhet ndër të tjerash në postim.

Tutje, Musliu ka thënë se si Kryetare e Komisionit për Mbikëqyrjen e AKI-së do të kërkojë zyrtarisht përgjegjësi për “rrëshqitjen” e këtij institucioni në këtë rast.

“Nga Ramadani thjesht është kërkuar ‘të ofrojë detaje në lidhje me lokacionin e tij fizik dhe gjeografik gjatë kohës së luftës dhe të ofrojë dokumentacion, përfshirë këtu edhe fotografi dhe të dhëna tjera nga periudha 1 janar 1998 deri më 31 dhjetor 2000’. AKI-ja nuk është në shërbim të individëve, por në shërbim të shtetit dhe sigurisë së qytetarëve tanë”, ka përfunduar ajo.

Gjykata Speciale ka ftuar Inspektorin e Përgjithshëm të AKI, Burim Ramadani që të dëshmojë në cilësinë e dëshmitarit.

Kjo është bërë e ditur nga AKI, përmes një njoftimi për media.

“AKI njofton opinionin publik se Zyra e Prokurorit të Specializuar ka dërguar fletëthirrje për dëshmitar për Inspektorin e Përgjithshëm të AKI, Burim Ramadani”, u tha në njoftim.

Zyra e Prokurorit të Specializuar thërret Ramadanin në cilësinë e dëshmitarit

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika