Drejtori i shërbimeve publike në Komunën e Prishtinës, Ilirik Musliu ka njoftuar se të shtunën e 20 gushtit, komuna e Prishtinës ka përfunduar largimin e mbeturinave të krijuara nga deponia ilegale e mbeturinave në Hajvali.
Ilirik Musliu ka thënë se nga kjo deponi janë larguar rreth 30 mijë m3 mbeturina.
“Sot në Hajvali përfunduam largimin e mbeturinave të krijuara nga kjo deponi ilegale (mbi 30,000 m3)’, thuhet në postimin e drejtorit të shërbimeve publike.
Musliu ka shtuar se mbrojtja dhe kujdesi ndaj mjedisit, duhet të jetë qëllimi i gjeneratave të reja dhe shoqërisë në përgjithësi.
“Ta bëjmë Prishtinën qytet të pastër, gjelbër dhe të jetueshëm”, shton Musliu.