Musliu-Shoshi: Krisje të raporteve ka VV-ja me Presidencën, Gërvalla vetëm vegël e Kurtit

"Nuk e vlerësoj që Gërvalla është akter i rëndësishëm, është vegël e Kurtit. Mendoj se ka krisje të raporteve në mes të VV-së dhe presidencës", ka deklaruar Musliu-Shoshi

Deputetja e Partisë Demokratike të Kosovës (PDK), Ariana Musliu – Shoshi, ka thënë se ka krisje të raporteve në mes të Qeverisë dhe Presidencës, teksa ka theksuar se ministrja Gërvalla nuk është aktor i rëndësishëm të ndikojë në raportet e tyre.

Në emisionin “Rreth e Rrotull”, Musliu-Shoshi ka thënë se ministrja Gërvalla është vetëm “vegël” e Kurtit.

“Nuk e vlerësoj që Gërvalla është akter i rëndësishëm, është vegël e Kurtit. Mendoj se ka krisje të raporteve në mes të VV-së dhe Presidencës”, ka deklaruar Musliu-Shoshi.

Kjo deklaratë e saj vjen pasi dje Presidenca e Kosovës ka deklaruar se Qeveria nuk është koordinuar dhe konsultuar në lidhje me letrën që ministrja Gërvalla ia adresoi Këshillit të Evropës (KiE).

Lexo edhe: “Krisje” mes Kurtit e Osmanit? – Presidenca nuk e përkrah letrën drejtuar KiE-së

Në një përgjigje për Dukagjinin nga Presidenca kanë bërë të ditur se përkrahin qëndrime dhe veprime që janë të konsultuara dhe të koordinuara paraprakisht me ta.

Dhe kjo letër e Qeverisë nuk është konsultuar më herët me presidenten Vjosa Osmani dhe rrjedhimisht nuk merr përkrahjen e saj.

Por, nga MPJD-ja kanë thënë se në letër janë zotimet e krerëve të shtetit që janë bërë në prill të këtij viti.

Në lidhje me këtë pati përplasje edhe nga distanca në mes të Qeverisë e Presidencës.

Presidenca i reagoi Donika Gërvallës duke i gjetur edhe gabime në data.

Në një prononcim për “Debat Plus”, Bekim Kupina ka thënë se Qeveria dhe MPJD-ja nuk kanë treguar koordinim e bashkëpunim me presidenten Vjosa Osmani.

Sipas tyre, kjo nuk e ndihmon Kosovën.

Në prononcim theksohet se presidentja po vazhdon angazhimin që sa më parë të mbahet një seancë për anëtarësim të Kosovës në KiE.

Lexo edhe : Presidenca shfaq gabimin e Gërvallës, “akuzon” Qeverinë se me veprimet e tyre s’po e ndihmojnë Kosovën

Shija e redaktorit

Dukagjini Resort – Ky është projekti përrallor 80 milionësh që...

Një projekt përrallor ka nisur të realizohet në Shëngjin. Ai po realizohet nga Dukagjini Resort, ku plani fillestar është për ndërtimin e disa objekteve e...

EURO DUELI – Nisja e aventurës futbollistike në TV Dukagjini

Sonte ka nisur emisioni “Euro Dueli” në TV Dukagjini, emision kushtuar Kampionatit Evropian. Analiza të detajuara, debate interesante, show, do t’i përcjellin shikuesit përgjatë një...

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Të fundit nga rubrika