Kreshnik Radoniqi, Kryetari i Komisionit Qendror të Zgjedhjeve [KQZ] ka hedhur votën e tij për zgjedhjet e përgjithshme parlamentare, të cilat po zhvillohen sot.

Radoniqi ka ftuar të gjithë qytetarët të dalin të votojnë dhe ka bërë thirrje për një proces të qetë e demokratik. 

Radoniqi ka dhënë detaje edhe për votimin nga diaspora. 

“Tashmë i kemi të dhënat edhe për Amerikë e Kanada. Diku mbi 15 mijë kanë votuar në përfaqësi diplomatike atje. Çdo gjë është gati. KQZ-ja është në detyrë e shpresojmë për një ditë festive”, tha Radoniqi pasi votoi në Pejë. 

Ai ka treguar edhe për telashet që ka pasur me shënjezuesin e gishtit. 

“E vërteta është që kompania kontraktuese fillimisht na furnizoj me ngjyrë që është fshirë. Por, pasi komisioni vlerësues e vërejti me kohë, i ktheu markerat dhe kompania na siguroi markera të rregullt”, tha Radoniqi.