Çmimi i naftës në Kosovë ka shënuar rënie të lehtë prej një cent, duke zbritur në 1.69 euro për litër.
Sipas çmimeve maksimale të lejuara nga Ministria e Industrisë, Ndërmarrësisë, Tregtisë dhe Inovacionit, benzina sot do të shitet deri në 1.54 euro për litër, ndërsa gazi deri në 0.63 euro për litër.
Çmimet e derivateve në Kosovë ishin rritur ndjeshëm pas nisjes së konfliktit në Lindjen e Mesme më 28 shkurt. Në atë periudhë, çmimi i naftës kishte arritur deri në 1.91 euro për litër.
Konflikti nisi pas sulmeve amerikane dhe izraelite ndaj Iranit më 28 shkurt.
Përshkallëzimi i situatës ndikoi në tregjet ndërkombëtare të energjisë, ndërsa Irani sulmoi Izraelin dhe shtetet aleate të SHBA-së në Gjirin Persik dhe mbylli efektivisht Ngushticën e Hormuzit, një prej rrugëve kryesore të transportit të naftës dhe gazit natyror të lëngshëm në botë.