Nagavci: Nuk është koha për grevat e paralajmëruara nga SBASHK-u

Ministrja e MASHT-it, Arberie Nagavci

Ministrja e Arsimit, Shkencës, Teknologjisë dhe Inovacionit, Arbërie Nagavci, ka thënë se nuk është koha për grevat e paralajmëruara nga Sindikata e Bashkuar e Arsimit, Shkencës dhe Kulturës (SBASHK).

Deklarata e saj vjen si reagim ndaj kërkesave të SBASHK-ut, që pas rritjes së çmimeve të disa artikujve esenciale, punëtorët në sistemin arsimor të marrin shtesa prej 100 eurosh nga muaji i ardhshëm.

Ndryshe, janë paralajmëruar veprimet sindikale duke përfshirë edhe grevat.

“Nuk besoj që është koha për greva. Qeveria e Kosovës është duke punuar shumë. Humbjet te nxënësit kanë qenë të mëdha, kështu që besoj që bashkë me mësimdhënësit dhe SBASHK-un duhet të japim maksimumin për fëmijët tanë. Ka shumë nevojë për përmisim të rezultatve në arsim”, është shprehur Nagavci për Kosovapress.

Sipas SBASHK-ut, pagat e punonjësve të sistemit arsimor nuk kanë lëvizur me vite.

“Në situatën që sa vjen e vështirësohet, familjet që nuk kanë as edhe një të punësuar, dhe ato me paga të ulëta, po ngulfatën duke u zhytur në varfëri e skamje ekstreme, por me këto ngritje marramendëse e të përditshme të çmimeve edhe familjet që kishin paga pak më të larta kanë nisur të rrëshqasin drejt varfërisë e skamjes”, thuhet në reagimin e SBASHK-ut.

Siç thuhej në njoftim, qeveria vazhdon me vlerësimet e me deklaratat pa bërë as edhe një veprim konkret për të ndihmuar punëtorët e arsimit  në përballje me situatën e rënduar nga gjithë ngritjet e çmimeve të artikujve elementarë.

Kjo sindikatë ka paralajmëruar protestë më tetë prill të këtij viti, ndërsa grevën do ta nisin pas datës 20 prill.

Ndryshe, të shtunën e dy prillit, Rrahman Jasharaj është rizgjedhur për herë të tretë me radhë kryetar i SBASHK-ut.

Mandati për kryetar të SBASHK-ut është katër vjeçar që nënkupton se, Jasharaj kur ta përfundojë këtë mandat do të shënojë 12 vjet në krye të organizatës.

Pas rizgjedhjes së tij si kryetar, ai para mediave ka thënë se, ky do të jetë mandati i fundit për të cilin ka kandiduar.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Pasi u qëllua me armë, vdes ish-kryeministri japonez, Shinzo Abe

Ish-kryeministri japonez, Shinzo Abe, ka vdekur pasi është qëlluar me armë të premten, përgjatë fushatës për zgjedhjet parlamentare. Abe, 67-vjeçar, i cili njëherësh mbetet kryeministri...

Të shtëna me armë në Cetinë, më shumë se dhjetë...

Të premten e 12 gushtit në Cetinë të Malit të Zi, një 34-vjeçar ka qëlluar me armë në drejtim të disa personave dhe më...

As për 35 vjet qytetarët me rrogë mesatare nuk mund...

Paga mestare në Kosovë sipas Agjencisë së Statistikave të Kosovës (ASK) është 380 euro në sektorin privat, ndërsa ajo e sektorit publik është më...

Të fundit nga rubrika