NASA shfaq galaktikën me ngjyrat e Brazilit në nderim të Peles

Agjencia hapësinore NASA ka postuar një foto të një galaktike në Twitter për të nderuar futbollistin legjendar Pele, të cilin e ka quajtur ‘mbret të lojës së bukur’

Fotoilustrim

NASA ka përdorur një mënyrë të veçantë për të nderuar futbollistin legjendar Pele, i cili u nda nga jeta mbrëmjen e së enjtes së 29 dhjetorit në moshën 82-vjeçare.

Agjencia hapësinore NASA ka postuar një foto të një galaktike në Twitter, e cila mban ngjyrat e Brazilit (të verdhë dhe blu), ndërsa Pelen e ka quajtur mbret i lojës së bukur.

“Ne nderojmë ndarjen nga jeta të legjendarit Pele, i njohur për shumë si mbreti i ‘lojës së bukur’. Ky imazh tregon një galaktikë spirale në yjësinë Skulptor, e paraqitur me ngjyrat e Brazilit” , thuhet në postimin e publikuar në Twitter.

Ndryshe, legjenda e futbollit brazilian Pele ka vdekur në moshën 82-vjeçare të enjten e 29 dhjetorit.

Pele është konsideruar si një nga lojtarët më të mëdhenj të të gjitha kohërave dhe është i vetmi futbollist i cili ka fituar Kupën e Botës tri herë. Ai e ndihmoi Brazilin të ketë sukses në turnetë e 1958, 1962 dhe 1970 duke fituar gjithashtu Topin e Artë për lojtarin më të mirë.

Shija e redaktorit

Osmani takon presidenten Keller-Sutter: Zvicra vazhdon të jetë një nga...

Presidentja Vjosa Osmani është takuar me presidenten e re të Zvicrës, Karin Keller-Sutter në kuadër të takimeve që ka me liderë botërorë në konferencën...

Bëhuni pjesë e lojës shpërblyese të shtëpisë botuese “Dukagjini” –...

Shtëpia botuese “Dukagjini” fton të gjithë lexuesit të bëhen pjesë e garës “Review për librat tanë”. Në këtë konkurs, ftohen të gjithë lexuesit e botimeve...

Rutte: NATO po ndjek zgjedhjet në Kosovë, duket se do...

Sekretari i Përgjithshëm i NATO-s, Mark Rutte, ka komentuar zhvillimet politike në vend gjatë një konference për media, duke vënë në pah se aleanca...

Të fundit nga rubrika