Refki Morina, njohës i çështjeve të sigurisë, lidhur me paralajmërimet e NATO-s për zvogëlimin e kapaciteteve ushtarake në Kosovë, ka thënë se kjo do të bëhet në mënyrë graduale dhe se do të zëvendësohet me njësitë speciale dhe Forcën e Sigurisë së Kosovës.
“Unë mendoj që kjo do të jetë hap pas hapi.”
Ai ka theksuar se NATO ka vlerësuar situatën e sigurisë në Kosovë, andaj ka marrë një vendim të tillë.
“Edhe nga KFOR-i, edhe nga NATO shihet se Forca e Sigurisë së Kosovës, por edhe çështjet e sigurisë në tërësi, kanë avancuar në përgjithësi. Kjo është një e mirë e përgjithshme, por duhet të ketë kujdes dhe duhet të bashkëpunohet ngushtë me KFOR-in”, ka thënë ai ndër të tjera.