Ndahen 11 milionë euro nga Qeveria për krizën energjetike, Hoti: Kjo nuk është politikë
Deputeti i Lidhjes Demokratike të Kosovës, Avdullah Hoti ka kritikuar Qeverinë e Kosovës për ndarjen e 11 milionë eurove për familjet për zbutjen e ndikimit socio-ekonomik të krizës energjetike. Hoti ka thënë se kjo nuk është poltikë dhe se sipas tij, këto mjete nuk qëndrojnë tek familjet. “Me këtë veprim, paratë transferohen nga buxheti i […]
Deputeti i Lidhjes Demokratike të Kosovës, Avdullah Hoti ka kritikuar Qeverinë e Kosovës për ndarjen e 11 milionë eurove për familjet për zbutjen e ndikimit socio-ekonomik të krizës energjetike.
Hoti ka thënë se kjo nuk është poltikë dhe se sipas tij, këto mjete nuk qëndrojnë tek familjet.
“Me këtë veprim, paratë transferohen nga buxheti i shtetit tek KEDS-i dhe bizneset e tjera përmes familjeve. Ulja e çmimit të energjisë elektrike do ishte veprimi i duhur në këtë rast, pasi çmimi i energjisë në tregje ndërkombëtare ka rënë dukshëm krahasuar me vitin e kaluar”, ka shkruar deputeti i LDK-së.
Më tej, Hoti është shprehur se Qeveria do të duhej të ndërmerrte masa për parandalimin e rritjes së faturave të energjisë elektrike për familjet.















