Kandidati i Partisë Demokratike të Kosovës (PDK) për deputet, Nderim Mustafa, ka deklaruar se gjatë takimeve me qytetarë në Malishevë të Gjilanit dhe në lagjen Arbëria ka vërejtur një kërkesë të qartë për ndryshim dhe pakënaqësi me gjendjen aktuale në vend.
Përmes një postimi në rrjetet sociale, Mustafa ka thënë se qytetarët nuk pajtohen më me situatën ekzistuese dhe presin një qasje të re në qeverisje pas zgjedhjeve të 7 qershorit.
Ai ka shprehur bindjen se pas zgjedhjeve Kosova do të udhëhiqet nga një qeveri që, sipas tij, do të fokusohet te nevojat e qytetarëve dhe jo te arsyetimet politike.
“Me Bedri Hamzën kryeministër, do të jetë më mirë për qytetarin, për familjen, për secilin fshat e secilën komunë”, ka shkruar Mustafa.