Ndërroi jetë në moshën 46-vjeçare, aktorja Annie Wersching

Aktorja Annie Wersching, e njohur për rolet e saj për në seriale televizive si Timeless dhe 24 Orë, është ndarë nga jeta pas një beteje trevjeçare me kancerin

Annie Wersching

Annie Wersching, e cila e portretizoi Renee Walkerin në serialin “24”, ka vdekur në moshën 45-vjeçare.

Zëdhënësi i aktores e konfirmoi lajmin për “The Hollywood Reporter”, duke bërë të ditur se Wersching, e cila në vitin 2020 u diagnostikua me kancer, vdiq të dielën në Los Angeles.

“Sot në shpirtin e kësaj familjeje ekziston një vrimë e madhe. Por, ajo na la mjetet për ta mbushur këtë zbrazëti. Ajo ishte person që e gjente mrekullinë në momentin më të thjeshtë. Asaj nuk i nevojitej muzikë për të kërcyer. Annie na mësoi të mos presim që aventura të na gjejë, përkundrazi na mësoi t’i gjejmë ato vet sepse aventurat e jetës janë kudo. Dhe ne do t’i ndjekim këshillat e saj përgjithmonë”, deklaroi bashkëshorti i saj Stephen Full përmes një komunikate për media.

Wersching e pati një rol dytësor në serialin hit “24”, ku e portretizoi një agjente speciale të FBI-së krahas aktorit, Kiefer Sutherland, në sezonin e shtatë dhe të tetë të serialit. Ajo po ashtu e portretizoi Julia Brasherin në serialin “Bosch”, duke u shfaqur në dy sezonet e këtij projekti dhe në serialin e bazuar në librat komik “Marvel”, “Runaways”, ajo e luajti rolin e Leslie Deanit, nëna e një personazhi me superfuqi.

Roli i saj më i gjatë ishte në serialin “General Hospital”, ku u paraqit për 80 episode.

Ndërsa ajo ishte e njohur për rolet e saj televizive, të cilat përfshinin gjithashtu paraqitje të shkurtra në projekte të tilla si, “Angel”, “Boston Legal”, “Charmed”, “Frasier” dhe më shumë, Annie po ashtu e huazoi zërin për personazhe të videolojërave.

Paraqitjet e saj të fundit në ekran ishin në serialet “Star Trek: Picard” dhe “The Rookie”.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika